Mga tabing ng dulang 'Sa Kalibudtan: Isang Musikal', opisyal nang nagbukas

Kasalukuyang ipinapalabas ng mga mag-aaral sa ika-12 baitang ang dulang Sa Kalibudtan: Isang Musikal na isinulat ni Jaydee G. Paid at idinerehe ni Yancy D. Dizon. Ipinagdiriwang din sa dulang ito ang makulay na kultura ng teatro sa pamamagitan ng malikhaing pagtatanghal, bilang bahagi ng Pagtambungaw sa Sining: 36th Season and Festival of Dramatic Arts.

Isinasagawa ang pagtatanghal mula Mayo 29–30 sa University Gymnasium, kung saan pinamamalas ng mga mag-aaral ang kanilang talento sa pagsasadula, pagkanta, pagsayaw, teknikal, sining, at multimedia.